МАН-ын бүлэг өнгөрсөн долоо хоногийн даваа гарагийн /2023.12.11/ хурлаараа зургаан сарын дараа болох УИХ-ын сонгуульд оролцох тойргоо зурсан. Тодруулбал,УИХ-ын 2024 оны сонгуулийн тойрог, мандаттай холбоотой асуудлаар санал солилцож, шийдэл гаргасан гэсэн үг.

Тэд ярилцаад 21 аймгийг гурав, гурваар нь хувааж 7 бүс, Улаанбаатар хотын есөн дүүргийг 4 бүсэд хувааж сонгуулиа хийхээр болоод байгаа юм.

 Тохиролцооны дагуу тэд энэ долоо хоногт тус саналаа бусад намуудад танилцуулж, саналыг аваад дахин бүлгийн хурлаараа ярилцана. Тэд 21 аймгийг гурав, гурваар нь хуваахдаа 

1. Баян-Өлгий
2. Увс, Ховд, Завхан, Говь-Алтай
3. Хөвсгөл, Орхон, Булган
4. Архангай, Баянхонгор, Өвөрхангай 
5. Дундговь, Говьсүмбэр, Дорноговь, Өмнөговь
6. Хэнтий, Дорнод, Сүхбаатар 
7. Сэлэнгэ, Дархан-Уул, Төв аймаг гэж бүсчлэхээр тохирчээ.

Үүнээс нэг хувилбар ихээхэн анхаарал татаж буй Баян-Өлгийг ганцааранг нь тойрог болгосон явдал. Тиймээс ч УИХ-ын дарга Г.Занданшатар үүнийг эсэргүүцэж байгаа гэх мэдээлэл бий. Харин Улаанбаатарыг дөрвөн бүсэд хуваахдаа 

• Багахангай, Багануур, Налайх
• Баянзүрх, Сүхбаатар, Чингэлтэй 
• Хан-Уул,  Баянгол
• Сонгинохайрхан гэж хийхээр зурсан байгаа юм. 

МАН-ын дарга, Ерөнхий сайд Л.Оюун-Эрдэнэ энэ зургийг зурсан бөгөөд намынхан нь дэмжсэн одоо бусад намуудад танилцуулж саналыг нь аваад батална.