Хянан шалгах түр хорооноос зохион байгуулж буй нотлох баримтыг шинжлэн судлах нээлттэй сонсголын хоёр дахь үе шат үргэлжилж, Эрдэнэс Тавантолгой ХК болон Тавантолгой ХК-ийн нүүрс тээвэрлэлтийн үйл ажиллагаа болон экспортын талаар хянан шалгагч, шинжээч нар танилцуулж байна. Шинжээчийн дүгнэлтэд тулган баталгаажуулалт хийхэд 5,2 сая тн нүүрснээс 1,161 тн нүүрсийг бүрдүүлэлтгүй гаргасан байж болзошгүй байгаа аж. 246 тээвэрлэгч компанийн 7 тээврийн хэрэгсэл 100-гаас олон удаа гаалийн бүрдүүлэлтгүй нүүрсийг Гашуунсухайт боомтоор экспорт хийсэн байж болзошгүй байгаа аж. Шинжээчийн дүгнэлтэд танилцуулгаар, 2016 оноос өмнөх мэдээлэл устсан. Дата байгаа төвшинд хяналт шалгалт хийхэд гааль, хил, түүний мэдээлэл бүгдийг тулгаж үзэхэд 5,2 сая тонн нүүрс гаалийн бүртгэлгүйгээр Монгол Улсын хилээр гарсан байна. Энэ нь 5 орчим тэрбум ам.долларын асуудал яригдаж буй аж.