НӨАТ-ын урамшууллын сугалааны тохирол маргааш буюу арванхоёрдугаар сарын 20-нд 13:00 цагаас и-баримт аппликэйшн болон Боловсрол суваг телевизээр орон даяар шууд дамжуулна.

Өмнөх сарын тохирлоор нэг супер азтан тодорч, 5-30 сая төгрөгийн эзэн болсон. Өнөөдрийн байдлаар и-баримтын системд 41,134,703 баримт бүртгэгджээ. 2023 оны арваннэгдүгээр сарын 1-30-ны хооронд худалдан авалт хийсэн цахим төлбөрийн баримтаа системд бүртгүүлж, сугалаандаа хамрагдахыг Татварын байгууллагаас санууллаа.

Сугалааны урамшуулалд: 
3 орон таарвал /30,000-60,000 төгрөг/
4 орон таарвал /40,000-100,000/
5 орон таарвал /60,000-500,000 төгрөг/
6 орон таарвал /100,000- 5 сая төгрөг/
7 орон таарвал /500,000- 10 сая/
8 орон таарвал 5-30 сая төгрөг авна.