Яруу найрагч, Монгол Улсын Соёлын гавьяат зүтгэлтэн Ц.Хуланг Тагнуулын ерөнхий газраас урд шөнийн 01-02 цагийн үед гүйцэтгэх ажиллагаагаар баривчлан саатуулсан гэх мэдээлэл түглээ. Түүнийг ШШГЕГ-ын харъяа Цагдан хорих 461 дүгээр ангид саатуулсан ба мөрдөн шалгах ажиллагааг эхлүүлсэн гэсэн мэдээлэл байна. 
Хамгийн хачирхалтай нь, Ц.Хуланг Эрүүгийн хуулийн 19.4.1 зүйл ангиар буруутган ийн саатуулжээ. Энэ нь “Монгол Улсын иргэн гадаад улсын тагнуулын албатай хамтран ажиллахаар тохиролцсон, хамтран ажилласан, гадаадын байгууллага, иргэнд шилжүүлэн өгөх зорилгоор төрийн нууцад хамаарах мэдээ, баримт, эд зүйлийг хулгайлсан, цуглуулсан, хадгалсан, дамжуулсан бол 8-15 жил хүртэлх хугацаагаар хорих ял шийтгэнэ хэмээн заажээ. 
Ц.Хулангийн хувьд эх орон гэж бардамнадаг үүнийгээ шүлгэндээ шингээдэг нэгэн. Тиймээс түүнийг гаднын тагнуулын байгууллагатай үгсэн хуйвалдсан гэх мэдээлэл үнэнээс хол сонсогдож байгаа ч хууль, хяналтын байгууллага хөдөлшгүй нотлох баримтад тулгуурласан нь лавтай биз ээ.