УИХ-аас байгуулсан Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явц, байдлыг Хянан шалгах түр хорооноос нотлох баримтыг шинжлэн судлах сонсгол яг одоо дөрөвдэх өдрөө үргэлжилж байна.  Шинжээчийн дүгнэлтэд "Нью Яармаг хаусинг прожект" ХХК нь Хөгжлийн банкнаас 195.8 мянган ам.долларын зээл авчээ. Ингэхдээ 2024 он хүртэл есөн жилийн хугацаатай зээл авсан байна. Өнөөдрийн байдлаар 85.7 тэрбум төгрөгийг зээлээ төлж, үлдэгдэл 113.9 тэрбум төгрөг байгаа. Чанаргүй, муу зээлийн ангилалд багтсан” гэв. Тодруулбал, нийт зээлийнхээ 1,2 сая ам.долларыг бэлнээр авч, хамаарал бүхий этгээд дамжуулан шилжүүлсэн нь зээлийг зориулалтын бусаар ашигласан гэж үзжээ. 

Уг сонсголд гэрчээр "Нью Яармаг хаусинг прожект" ХХК-ийн захирал Ц.Ууганбаяр, өмгөөлөгч УИХ-ын гишүүн асан О.Баасанхүүгийн хамт оролцож байгаа юм. Энэ үеэр  
"Нью Яармаг хаусинг прожект" ХХК-ийн захирал Ц.Ууганбаяр: "Бид ТОСК-ийн өмнөөс 24 тэрбум төгрөгийг төлсөн. Би ямар нэгэн байдлаар төрийн тендер зэрэг худалдан авах ажиллагаанд оролцоогүй. Залуу хүн болохоор туршлага байхгүй юм шиг харагдах байх. Тийм учраас Х.Баттулга гэдэг хүнтэй холбоод яриад байдаг юм. Би Хөгжлийн банкнаас зээл авсандаа харамсаж байна. Дээр нь намайг Х.Баттулга гэдэг хүнтэй их холбох юм. Янз бүрээр хэлэх юм. Би Х.Баттулга гэдэг хүний хувийн компани, хувь хүнд нь зөвлөөгүй. Би түүнтэй ямар ч харилцаа, холбоо байхгүй. Х.Баттулгын зөвлөх зээл авлаа гээд арав гаруй жил ярилаа" гэлээ.

УИХ-ын гишүүн Т.Доржханд: Та Хөгжлийн банкнаас шал дэмий зээл авчихлаа, ХХБ-наасаа л авчихдаг байж гэж байна. 50 сая ам. долларын зээл авахад барьцаа хөрөнгө болгоод юу тавив. Факт асууж байгаа. Зээл авахын тулд барьцаа хөрөнгө шаардлагатай. Шаардлага хангасан тохиолдолд жирийн иргэн 100 саяын барьцаа тавиад 20-30 саяын зээл авдаг. Тэгэхээр 50 сая ам долларын зээл авахын тулд та газар барьцаалсан. Шаардлага хангахгүй байсан. Энэ тохиолдолд яаж зээл авсан бэ гэдгийг асуугаад байгаа юм. 

УИХ-ын гишүүн Ц.Мөнхцэцэг: 2017 оноос зээл авсан компаниудаас хамгийн өндөр зээлтэй нь ТОСК байгаа. Компани зээлээ төлж барагдуулсан ч үл хамаараад Хөгжлийн банкны зээлийг зориулалтын дагуу зарцуулсан уу, хэн нэгэн албан тушаалтан нөлөөлсөн үү гэдгийг тодруулах зорилготой. Хэн нэгнийг шүүх гээгүй. Хэн нэгэн албан тушаалтан нөлөөлсөн үү, дарамт ирж байсан уу?

Ц.Ууганбаяр захирал: Улс төрийн нөлөөлөл дарамт шахалт байхгүй. Хөгжлийн банк шийдвэр гаргаж өгдөггүй байсан. Таван захирал солигдсон. Миний хувьд албан бичигтээ нэг ч удаа хариу авч үзээгүй.  Яагаад зээлдэгчид бүгд буруутай юм шиг энд суугаад байгаа юм бэ гэв.