МОНГОЛЫН РОК-ПОП ГЭР БҮЛД “ГРАНАТ” ХАМТЛАГ МЭНДЭЛЛЭЭ Тэд шинэ биш хуучин байсан. Харин тэд өнөөдөр “Инээмсэглэл” хамтлагийн 45 жилийн ойд зориулсан “Солонго” дуугаар хөшгөө нээлээ. Хамтлагийн ахлагч Ундармаа /Ундика/ нь 2006 оноос эхлэн хип хоп хамтлаг дуучдын дахилтыг дуулдаг байсан гэдгээр нь та бид эчнээ мэднэ. Үүрээгийн дубльёр роль гэж ярьж байсан цаг саяхан. Түүгээр ч зогсохгүй Хөгжмийн зохиолч Халиун, Чулуунбаатар, Баярцэцэг зэрэг рок попын тул загаснуудын бакалистаар ажиллаж байсан билээ. “Гранат” хамтлагийн продюсероор “2016” студийн захирал Тумбар ажиллаж байна. Шинэ юм гэж сайтар хадгалсан хуучин зүйлс байдаг гэдгийг “Гранат” хамтлаг нотлохоор рок попын гал тогоонд дөл нэмэн орж ирлээ. Тэдний эхний тэсрэлт “Солонго” байсан бол дараа, дараагийн уран бүтээлүүд ар араасаа удахгүй бидний сонорыг мялаах болно гэдэгт сонсогч та бүү эргэлзээрэй.