Алдарт дуучин Селена Гомез хөгжмийн продюсер Бенни Бланкотой үерхэж байгаа. Селена өнгөрсөн сарын эхээр өөрийн “Instagram” хуудас дээр “Тэр миний бүх зүйл” гэж бичиж түүнтэй үерхэж байгаа гэдгээ олон нийтэд мэдэгдсэн юм.
Бенжамин Жозеф Левин нь 1988 оны гуравдугаар сарын 8-нд төрсөн байна. Тэрбээр Бенни Бланко нэрээрээ олонд танигдсан юм. Бенни 2000-аад оны сүүлээр хэд хэдэн хит дуунуудын продюсероор ажиллаж хөгжмийн ертөнц алдартай болжээ.
Тэр хөгжмийн ертөнцийн томоохон уран бүтээлчидтэй хамтран ажилласан туршлагатай. Бенни Эд Шийран, Жастин Биебер, Maroon 5 хамтлаг, Кэти Перри, Рианна, Weeknd гэх мэт дэлхийд алдартай уран бүтээлчдийн дуунууд дээр ажилласан байна.
Томоохон одуудтай ажилласнаас гадна тэр 2013 онд Дуу зохиогчдын алдрын танхимаас “Hal David Starlight” шагнал, 2017 онд “iHeartRadio”-ийн оны шилдэг продюсерын шагнал мөн “BMI”-аас оны шилдэг хөгжмийн зохиолчийн шагналыг таван удаа хүртжээ.
Бенни “Interscope Records”-той хамтран “Mad Love Records” болон “Friends Keep Secrets” нэртэй хоёр хөгжмийн студи үүсгэн байгуулсан юм. Тэрбээр 2019 онд Селена Гомезтэй “I Can’t Get Enough” дуун дээр хамтран ажиллан танилцаж байсан аж.
Эх сурвалж: People