Ардчилсан Намын Үндэсний бодлогын хорооны ээлжит бус хуралдаан өнөөдөр болж, АН-ын даргыг сонгох юм.  АН-ын даргад УИХ-ын гишүүн асан З.Нарантуяа, Сангийн сайд асан С.Баярцогт. УИХ-ын гишүүн С.Одонтуяа, БСШУ-ны сайд асан Л.Гантөмөр нар өрсөлдөхөөр болж, нэр дэвшигчийн үнэмлэхээ өчигдөр гардан авсан билээ. 
Тэгвэл УИХ-ын гишүүн С.Одонтуяа хуралдааны эхэнд нэрээ татлаа. Тэрбээр “Миний бие анх удаа Ардчилсан Намын даргад нэрээ дэвшүүлж, мандатаа авлаа. Намын даргад нэр дэвших боломж олдсон нь нэр төрийн хэрэг байлаа. Гэвч албан ёсоор нэрээ татаж буйгаа зарлаж байна” гэв.
 

Эх сурвалжийн хэлж буйгаар бол, З.Нарантуяа гишүүний саналыг хуваалцахгүй гэсэндээ ийм шийдвэр гаргасан гэлээ.