УИХ-ын чуулганы Пүрэв гарагийн /2023.04.13/ нэгдсэн хуралдаан үргэлжилж байна. Хуралдаанаар Төрийн албан хаагчийн ёс зүйн тухай хуулийг хэлэлцэж, гишүүд асуулт асууж байна. 
Энэ үеэр УИХ-ын гишүүн Ц.Сэргэлэн "Төрийн албан хаагчид албан үүрэг гүйцэтгэж байхдаа архидан согтуурах, ямар нэгэн үйлдэл гаргахыг хуулар хориглосон. Тэгвэл хориглосон энэ үйлдлийг төрийн албан хаагч гаргавал яах вэ гэдэг нь хуульчлагдаагүй. Энийг ёс зүйн асуудал дээр сахилгын шийтгэл хүлээлгэх төрөлдөө оруулах хэрэгтэй. Төрийн албан хаагч албан үүрэг гүйцэтгэж байхдаа архидан согтуурвал тодорхой хугацаанд эргэж орохгүйгээр төрийн албанаас чөлөөлдөг болгомоор байна. Төрийн байгууллагууд өөрийн гэсэн хуулиар хүлээсэн чиг үүрэгтэй. Төрийн албанд архийг эгнэгт халах тухай асуудлыг л шийдэх хэрэгтэй. Мансуурсан, хэлээ хазсан, далжганасан төрийн албан хаагчаар иргэд асуудлаа шийдүүлнэ гэж байхгүй. Тиймээс тэднийг шууд халдаг болох хэрэгтэй. Үйлдлээ ухамсарлах гэдэг үүднээс нэг жилийн хугацаад төрийн албан хаагч архинаас гараад эргээд ажилдаа орж болдог, ноцтой гэж үзвэл шууд халдаг баймаар байна" гэлээ.