Сүүлийн үед бараа бүтээгдэхүүний үнийн өсөлт эрс нэмэгдэж байгаатай холбоотойгоор инфляцын түвшин нэмэгдлээ. Тухайлбал хэрэглээний барааны үнэ нэг жилийн өмнөхөөс 13.2 хувиар өсөхөд, хүнсий барааны үнэ 15.4 хувь, эмнэлгийн үйлчилгээний үнэ 17.4 хувиар өссөн нь ийнхүү инфляцид нөлөөлжээ.

Өнгөрсөн сард инфляцын түвшний 4.1 нэгж хувь буюу 31.1 хувь нь хүнсний барааны үнийн өсөлтөөс шалтгаалсан байна. Учир нь хүнсний бараа бүтээгдэхүүн дундаа ногоон цайны үнэ 2022 онд 95 хувь, нэг кг дээд гурилын үнэ 54 хувь, ургамлын тосны үнэ 38.8 хувиар тус тус өссөн. 
Мөн хувцас бөс барааны үнэ өнгөрсөн онд 18.5 хувиар өссөн нь инфляцын өсөлтөд 2.1 нэгжээр нөлөөлсөн байна. Тодруулбал инфляцын түвшний өсөлтийн 15.9 хувийг хувцас, бөс барааны үнийн өсөлт бүрдүүлжээ.
Түүнчлэн эм тариа, эмнэлгийн үйлчилгээний үнэ 17.4 хувь, орон сууц, ус, цахилгааны үнэ 15.4 хувь, гэр ахуйн барааны үнэ 14.7 хувиар тус тус нэмэгдсэн байна. 
Эдгээр тоон мэдээлийг дүгнэвэл хэрэглээний бараа, үйлчилгээний нийт 410 нэр төрлийн барааны 54 хувь нь импортын бараа юм. Иймд инфляцын өсөлтөд импортын барааны үнийн өсөлт 47.6 хувиар нөлөөлжээ.