Төрийн наадмын түрүүг хүртэж, бөхчүүдийн мөрөөдөл болсон “Улсын арслан” цолны болзол хангасан М.Бадарч өнгөрсөн намар допингд нэр холбогдсон. Олны хэл амаас болж осолд хүртэл ороод байсан арслан М.Бадарчийн арбитрын урьдчилсан хуралдаан энэ сарын 23-нд товлогдлоо.  Арбитрын шүүх гэдэг нь “Монголын олон улсын ба үндэсний арбитр” ТББ юм. Тус ТББ-ын шийдвэрээр Улсын арслан Э.Оюунболд, Улсын харцага Ц.Мөнхбаяр нарын бөхчүүд барилдах эрхээ сэргээлгэж байсан. Өөрөөр хэлбэл Улсын арслан М.Бадарчийн допингийн хэрэгт нэр холбогдсоныхоо дараа арбитрийн шүүхэд хандсан шалтгаан нь энэ. 

Сануулахад М.Бадарчийн Үндэсний их баяр наадмаар барилдах эрхийг 2027 оны долдугаар сарын 12-ныг дуустал дөрвөн жилийн хугацаагаар хассан билээ.