БНСУ-ын шүүхээс цэргийн албанаас зугтахын тулд оюуны хомсдолтой болон жүжиглэсэн айдол хамтлагийн дуучны хэргийг авч хэлэлцлээ. Тус дуучны хамтлагийн нэрийг зарлаагүй бөгөөд өдгөө 32 настай А-д Цэргийн албаны тухай хуулийг зөрчсөн хэргээр ял төлөвлөжээ.

А нь 2011, 2017 онд эмнэлгийн үзлэгээр цэргийн албанд тэнцсэн байна. Гэвч 2019 онд А нь долоон сар эмнэлэгт хэвтэхдээ сэтгэл зүйн шалгалт тестэд санаатайгаар буруу хариулж, амиа хорлох гэж байнга боддог, амьсгал боогдох эмгэгтэй зэргээр ярьж байжээ. Ингээд 2020 онд “хөнгөн хэлбэрийн оюуны хомсдол” гэдэг онош тогтоолгож, цэргийн албанаас зайлсхийх гэж оролдсон байна. 

Шүүхээс түүнийг гэм буруугаа хүлээсэн, гэмшиж байгаа, анх удаагаа хууль зөрчсөн, цаашдаа цэргийн алба хаах хүсэлтэй зэргийг харгалзан үзээд нэг жил хорих ял, хоёр жилийн туршилтын хугацаа оноож, 80 цаг олон нийтийн ажил хийлгэхээр боллоо.