Хөгжлийн банкны асуудлаарх сонсгол Төрийн ордонд өнөөдөр тав дахь өдрөө үргэлжилж байна. Өнөөдрийн сонсголоор дараах 11 компанийн зээлийн асуудлыг авч хэлэлцэх бөгөөд зээлд холбогдуулан 23 гэрчийг дуудсан байна. Үүнд, түр хорооны дарга Б.Энхбаяр шаардлагатай тохиолдолд гэрчийг нэмж дуудах эрхийн дагуу “Изинис эйрвэйз” ХХК-ийн зээлд холбогдуулан АТГ-ын дэд дарга асан, ТЕГ-ын дарга асан Б.Хурцыг гэрчээр нэмж дуудахаар шийдвэрлэсэн байна. Мөн “Түгээмэл түмэн хишигтэн” ХХК-ийн зээлд холбогдуулан А.Баттөгсийг, Ерөнхийлөгч асан Х.Баттулгыг "Пирамид-Орд" ХХК-тай холбоотой асуудлаар өнөөдрийн сонсголд гэрчээр дуудлаа.