Мөн эрүүл мэндийн салбарын илүү цагаар ажилласан ажилтнуудад 18 тэрбум төгрөгийг, цалин урамшуулалд 52 тэрбум төгрөг зориулсан байна 
Коронавируст халдварын цар тахлын эсрэг авч хэрэгжүүлсэн арга хэмжээ, төсвийн зарцуулалтыг УОК-оос танилцууллаа. “ Нэг хаалга” шинжилгээ хийж эхэлсэнээс хойш аудитын хяналтыг цаг тухай бүрд нь хийж байсан ба цар тахлын үр дагавар харьцангуй багасч, эдийн засгийн хувьд ч тогтворжиж байгаа тул 2021-2022 оныхтой нэгдсэн тайлан мэдээллийг хүргэж байна гэлээ. Ковидын үед улсын хэмжээнд 11.2 их наяд төгрөг зарцуулснаас 13.2 хувь буюу 1 их наяд 617.3 тэрбум төгрөгийг эрүүл мэндийн салбарт зарцуулсан бол үүнээс эмчилгээ үйлчилгээнд 595 тэрбум төгрөг, харин үлдсэн нь хөрөнгө оруулалт, бэлэн байдлыг хангах, чадавхийг бэхжүүлэхэд зарцуулсан хэмээн тайлагналаа. 

-2020 онд 153,5 тэрбум
-2021 онд 681,3 тэрбум
-2022 онд 280 тэрбум зарцуулагдсан бол нийт улсын төсвөөс болон бусад их хандиваар 1их наяд 118,8 тэрбум төгрөг, үлдсэн нь ЭМД-ын сангаас гарсан Ковидын үеийн тусламж үйлчилгээнд зарцуулагджээ.