Хот нийтийн аж ахуйн үйл ажиллагаа эрхэлдэг байгууллагуудын шуурхай зөвлөлгөөн өнөөдөр боллоо. Нийслэлийн хэмжээнд халтиргаа, гулгаа арилгахад авч хэрэгжүүлж буй арга хэмжээ, цэвэрлэгээ, үйлчилгээнд тавих хяналт зэргийн талаар холбогдох байгууллагуудыцн удирдлагууд мэдээлэл өглөө. Нийслэлийн хэмжээнд 14 хоонгийн хугацаанд 36 тонн бодис, 42.5 тонн давс, 50 тонн дайрга татан авч, 208 тонн бодис, 173 тонн давс, 75 тонн дайрга зарцуулжээ. 

Өнгөрсөн шуурхай зөвлөгөөнөөр өгсөн үүрэг даалгаврын биелэлт 87 хувьтай байгааг мөн үеэр танилцууллаа. Тухайлбал, халиа тошин үүсдэг байршлуудад хяналт, шалгалт хийж болзошгүй эрсдлээс урьдчилан сэргийлж ажиллаж байна гэлээ. Энэ хүрээнд Сонгинохайрхан дүүргийн 26 дугаар хорооны нутаг дэвсгэр Толгойт орчим, Чингэлтэй дүүргийн Дэнжийн мянгын гуравдугаар суваг зэрэг байршилд ажиллаж, 2750 шоо метр мөсөнд суваг гарграж, 150 шоо метр мөсийг зөөж тээвэрлэснээс гадна шороон хаалт хийсэн байна. Мөн нийтийн эзэмшлийн гудамж, замын эгнээ тусгаарлах хайс, хашлага засварлаж, бүрэн бүтэн байдлыг ханган угааж цэвэрлэх чиглэлээр 16 байршилд, 7270 метр гаруй урт хайсыг цэвэрлэжээ. 

Түүнчлэн халтиргаа гулгаанаас сэргийлэх зорилгоор нийслэлийн хэмжээнд зохион байгуулсан “Ердөө 90 минут” бүх нийтийн их цэвэрлэгээнд 13,290 хүн оролцож, нийт 2.5 сая ам метр талбайн цас мөсийг арилгаж, 736,4 тонн хог хаягдал цэвэрлэжээ. Цаашлаад нийслэлийн нийтийн эзэмшлийн орон сууц, гэр хорооллын дагуух зам талбайн гэрэлтүүлгийн асалтыг нэмэгдүүлэх шаардлагатайгаас гадна хүйтний эрч сурах болоогүй, дахин цас орж хүйтрэх төлөвтэй байгаа тул халтиргаа гулгаанаас сэргийлэх давс бодисын татан авалт, нөөц бүрдүүлэхэд анхаарах шаардлагатай байгааг хэлэлцлээ.