УОК цаг үеийн асуудлаар мэдээлэл хийж байна.
Энэ үеэр ОБЕГ-ын дарга, хошууч генерал Г.Ариунбуян "Баянзүрх дүүргийн 26 дугаар хорооны нутаг дэвсгэр, Их Монгол, Дүнжингарав худалдааны төвийн автозамын уулзвар дээр байгалийн хий буюу газ тээвэрлэж байсан том оврын машин суудлын автомашинтай мөргөлдсөн гэх дуудлага мэдээллийн манай байгууллага хүлээж аваад 01:07 цагт ангиасаа хөдөлж, галыг голомтод 01:15 цагт очсон.
Тухайн үед 60 тонны газ тээвэрлэж явсан автомашины ёонкос хазайсан байдалтай, ойролцоох автомашинуудад галын тархалт дэгдэж нөхцөл байдал хүндэрсэн байсан тул нэмэлтээр анги, байгууллагуудыг татаж оролцуулсан.
Гал унтраах ажиллагаа дээр бид ямар нэг тактикийн алдаа гаргаагүй. Монгол улсад мөрдөгдөж байгаа гал унтраах дүрмийн дагуу гал унтраах удирдагч маань тухайн нөхцөл байдлын үнэлгээг хийх зорилгоор буугаад ажиллаж байх явцад 40 метрийн алслалттай ёонкост хүчтэй дэлбэрэлтийн улмаас шидэгдэж гурван алба хаагч маань харамсалтайгаар амь насаа алдсан.
Тухайн үед 63-р ангийн найман алба хаагч хоёр автомашинтай очоод гал унтраах дүрмийн дагуу хүчтэй гал унтраах зориулалтын хошуугаар галыг унтраахаар чиглүүлж байх явцад дэлбэрэлт болсон" хэмээв.