Сөүлийн захын дүүрэг болох Гурен хэмээх тосгон шатаж, оршин суугчдыг нь нүүлгэн шилжүүлж байгаа талаар БНСУ-ын хэвлэлүүд мэдээлж байна. Гурен нь Сөүлд үлдэж хоцорсон цөөн хэдэн ядуусын хорооллын нэг юм байна. Гал өнөөдөр өглөө 7.30 минутын үед гарч эхэлсэн бөгөөд гал унтраах алба таван минутын дотор иржээ. Хурдан хугацаанд ирж амжсан ч 60 гаруй байшинг түймэрт алдсан байна. Түймэр гарсан гамшгийн газарт Онцгой байдлын албаны 800 гаруй алба хаагч аврах, эрэн хайх ажиллагаа явуулж байгаа бөгөөд одоогоор галын хохирлын хэмжээг мэдээлэл аргагүй байгаа юм байна. БНСУ-ын ерөнхийлөгч энэ золгүй явдлыг анхааралдаа авлаа гээд, түүний өгсөн үүргийн дагуу ойролцоох мужийн гал унтраах ангиудаар хүч нэмэгдүүлж 53 техник хэрэгсэл, долоон нисдэг тэрэг дайчилжээ.  Ядуусын хорооллын байшин нь авсаархан, нэг нэгэндээ наалдах шахуу байршсан байдаг, хэрвээ гал гарвал түргэн зуур газар авдаг эрсдэлтэй юм байна. Үүнээс гадна амжиргааны доод түвшний буюу ядуу айл өрхүүд амьдардаг учраас хохирогчид шууд гудманд гарах нөхцөл үүсээд байна гэж хэвлэлээр мэдээлжээ.