Энэ сарын 23-24-нд шилжих шөнө болсон галын осолтой холбогдуулж Онцгой байдлын ерөнхий газраас алба хаагчдын хувцас, хэрэгсэл, техник тоног төхөөрөмжийн хангалтын асуудлаар олон нийтэд хандан мэдээлэл хийлээ.
Тодруулбал, Байгууллагын хувцас хангалтыг

• Техник
• Хүн нэг бүрийн хамгаалах хэрэгсэл /тусгай зориулалтын/
• Өдөр тутмын гэж гурав ангилдаг.

Харин техникийн хувьд хангалт сүүлийн жилүүдэд харьцангуй өндөр чанартай болсон. Тодруулбал, Польш, Беларус, Франц улсуудаас худалдан авдаг. Мөн улсын төсвийн хөрөнгө оруулалтаар "Toyota" загварын машинуудаар парк шинэчлэлт хийсэн.

Хүн нэг бүрийн хамгаалах хэрэгсэл, хувцасны тухайд улсаас тавьж өгсөн төсвийнхөө хэмжээнд худалдан авалтаа зохион байгуулдаг. Өдөр тутмын хувцсыг ч мөн адил. Ингэхдээ тусгай стандарт, мөрдөгдөх журмын дагуу худалдан авалтаа хийдэг. Энд нэг зүйлийг тодотгомоор байна. Бид өндөр дүнтэй, маш чанартай хувцас, хэрэгсэл авч болно. Гэхдээ энэ хэмжээгээрээ тоо нь буурчихдаг. Тийм учраас бид аль болох манай орны цаг агаарт тохирсон, боломжийн үнэ ханштайг нь л авдаг. Учир нь төсөв хангалттай биш.

Жил бүр хэдэн төгрөг төсөвлөдөг эсэх нууцад хамааралтай учир нээлттэй мэдээлэх боломжгүй. Гэхдээ энэ жилийн тухайд Засгийн газар энэ чиглэлд тусгай тогтоол гаргаж 15 тэрбум төгрөгийг суулгаж өгсөн. Бид энэ дагуу худалдан авалтаа хийнэ" гэлээ.