Сэлэнгэ аймгийн шинэ суурьшлын бүсэд БНСУ-ын хөрөнгө оруулалтаар томоохон бүтээн байгуулалтын ажлуудыг хийхээр боллоо.

Сэлэнгэ аймгийн Засаг дарга Н.Лхагвадорж БНСУ-ын Гиппэн эмнэлэг болон барилгын салбарын төлөөлөгчдийг өчигдөр хүлээн авч уулзлаа. Уулзалтад УИХ-ын гишүүн Ч.Ундрам, Сэлэнгэ аймгийн ЗДТГ-ын хэлтэс агентлаг, Сүхбаатар сумын удирдлагууд оролцлоо.

Уулзалтын хүрээнд Сэлэнгэ аймагт БНСУ-ын хөрөнгө оруулалтаар сэргээн засах эмнэлэг, зочид буудал, хаус хороолол зэргийг барих асуудлыг харилцан тохиролцлоо. Сэлэнгэ аймаг ирэх жилүүдэд эрүүл мэнд, аялал жуулчлалын шинэ суурьшлын бүс байгуулахаар төлөвлөн ажиллаж байгаа юм.