Төрийн ордонд тавдахь өдрөө үргэлжилж буй Хөгжлийн банкны сонсголын эхэнд Изинис Эйрвейз ХХК-ийн зээлийн мэдээллийг шинжлэн судалсан юм. Тус компани нь 2019 онд Хөгжлийн банкнаас 22 тэрбумын зээл авчээ. Шинжээчийн дүгнэлтэд, зээлийн 7,5 тэрбумыг зориулалтын бусаар зарцуулсан, 1,7 тэрбумыг зарцуулалт тодорхойгүй хэмээн гарсан юм. 
Энэхүү зориулалтын бус тодорхойгүй гэсэн зээлийг ах, дүү, хамаатан садан, хүргэн, бэр, хадам аав, ээжээрээ хэрхэн хуваасныг бичлэгээс харж болно. Тухайлбал, Изинис Эйрвейз ХХК-ийн 70 хувийг Т.Эрдэнэ, 30 хувийг Э.Золзаяа эзэмшдэг. Э.Золзаяа нь Б.Хурцын бэр, УИХ-ын гишүүн асан Л.Элдэв-Очирын охин. 
Т.Эрдэнэ нь Изинис Эйрвейзээс гадна Сарнайх ХХК-ийн 34 хувийг, Ү.Сарнай 66 хувийг эзэмшдэг. Ү.Сарнай нь Б.Хурцын эхнэр. Э.Золзаяа нь “Экомогул” компанитай ба Анхзаяа, Ариунзаяа, Намсрайдорж зэрэг төрсөн ах, эгч дүүс хувьцааг эзэмшдэг толгой эргүүлсэн сүлжээг эндээс харж болно.