Дэлхийн хамгийн ядуу улсуудын нэг болох Буркина Фасо нь баруун Африкт орших далайд гарцгүй улс юм. Тус улсад зэрлэг жимс хайж байсан охид эмэгтэйчүүдийг зэвсэгт этгээдүүд хулгайлсан тухай Засгийн газрынх нь зүгээс өнгөрсөн Даваа гарагт мэдэгджээ.
Тэдгээр охидын заримыг нь Арбинда хотоос 15 километрийн зайд хулгайлсан бол бусдыг нь тус аймгийн өөр нутгаас хулгайлжээ. Улмаар энэ талаарх мэдээлэл гармагц эрэн хайх ажиллагаа эхэлжээ. 

Францын Гадаад хэргийн яамнаас өнгөрсөн даваа гарагт хийсэн мэдэгдэлдээ хүн хулгайлсан хэргийг "хамгийн хатуу үгээр" буруушааж, эмэгтэйчүүдийг нэн даруй суллахыг уриалав.

Уг явдалтай зэрэгцэн энэ сарын 12, 13-ны өдрүүдэд Буркина Фасод зэвсэт этгээдүүд халдан 50 орчим охид, эмэгтэйчүүдийн амь насыг хохироосон хэрэг гарчээ. Уг явдалд тус улсын Сахел мужийн захирагч Засгийн газрын нэрийн өмнөөс эмэгтэйчүүдийн гэр бүлтэй эв санааны нэгдэлтэй байгаагаа илэрхийлж, эрх баригчид "нөхцөл байдлыг амжилттай эцэслэхийн тулд боломжтой бүхнийг хийх үүрэг хүлээсэн хэвээр байна" хэмээн нэмж хэлэв.