Хүйтний улиралд малгай өмсөхгүйгээс болж насанд хүрсэн хүн толгойн хэсгээрээ биеийн дулааныхаа гуравны нэг хувийг алддаг байна. Харин бага насны хүүхдүүд биеийн дулааныхаа гуравны хоёр хувийг алддаг гэсэн судалгаа бий. 
Малгай өмсөхгүй байх нь хуйх болон хүзүүний булчин чангархад нөлөөлдөг. Улмаар булчингийн чангарал үүсч булчингийн гаралтай төрөл бүрийн өвдөлтийг өгдөг ажээ. Түүнчлэн малгай өмсөхгүй толгойгоо дааруулснаар  нүдний хараа мууддаг байна. Иймд хараа муудах нь дан ганц утас, дэлгэцнээс үүдэн үүсдэггүй байх нь. 
Өвлийн улирал гэлтгүй хавар, намар зэрэг сэрүүний улиралд нимгэн, зузаан малгайг тохиуруулан өмсөх хэрэгтэй. 
Толгой даарах нь гавлын гаднах болон бусад судас агшихад нөлөөлдөг. Ингэснээр тархинд очих цусны хэмжээ багасаж, цусан хангамжийн болон хүчилтөрөгчийн дутмагшил үүсдэг төдийгүй энэ зуршил нь бусад өвчлөлийн суурь шалтгаан болдог аж. Улмаар ой тогтоолт муудах, толгой өвдөх, амархан ядардаг болох, аливааг ойлгохгүй байх зэрэг шинж тэмдэг илэрдэг байна.