Монгол Улсын Ерөнхий сайд Л.Оюун-Эрдэнэ дөнгөж сая мэдээлэл хийлээ. Энэ үеэр “Эрдэнэс Тавантолгой” ХК 2022 онд 1,3 их наяд төгрөгийн цэвэр ашигтай ажилласан бол 2022 онд 3,2 их наяд төгрөгийн цэвэр ашигтай ажилласан урдчилсан дүгнэлт гарч байна. “Эрдэнэс Тавантолгой” ХК ногдол ашиг хуваарилах үүрэгтэй. Үүнийхээ дагуу татварын өмнөх дүнгээр тооцоход 2022 оны ногдол ашиг болгон иргэн бүрт 116 мянган төгрөг, 2023 оны ногдол ашиг 286 мянган төгрөг олгох урьдчилсан төсөөлөл гарсан байгаа. Санхүүгийн аудит орж, Баялгийн сангийн тухай хууль хэлэлцэн батлагдах үед энэхүү асуудлыг эцэслэн шийдвэрлэхэд бэлэн болно гэдэг мэдээллийг "Эрдэнэс Тавантолгой" ХК-иас өгсөн" гэлээ.

"Эрдэнэс Тавантолгой" ХК-иас олгох ногдол ашгийг Монгол Улсын 3.4 сая иргэн хүртэнэ.

Үүнтэй холбоотойгоор Баялгийн сангийн тухай хуулийн төслийг Ардчилсан нам, ХҮН намтай хамтран боловсруулах тухай санамж бичигт Ерөнхий сайд Л.Оюун-Эрдэнэ, Ардчилсан намын дарга Л.Гантөмөр, ХҮН намын дарга Т.Доржханд нар гарын үсэг зурав.

Баялгийн сангийн тухай хуулийн төслийн үндсэн концепци нь хуримтлалын нэгдсэн сангуудаас бүрдэх бөгөөд сангийн хөрөнгийг аривжуулах, хөрөнгө оруулалт татах, ирээдүйн үр өгөөжийг нэмэгдүүлэх зэрэг хэд, хэдэн үндсэн дэд хэсэгтэй байх аж. Мөн Баялгийн санг иргэдийн эрүүл мэнд, боловсрол, орон сууцжуулах хөтөлбөрт зарцуулах боломжтой байхаар зааж өгөх ажээ.