Монгол улс ОХУ-аас шатахуун импортолдог орнуудын нэг. Хамгийн сүүлд гэхэд өнгрөгч  арван хоёрдугаар сард манай улсад томоохон хохирол учирч, аюулын харанга дэгдэж байсан билээ. Тэгвэл Орос ах нар энэ удаа нэг биш бүр зургаан сараар крантаа хаахаа албан ёсоор мэдэгдэж байна. Өөрөөр хэлбэл Оросуудын солгой гараараа хаасан крантыг нээх  хүртэл манай орны хувьд эхдээ гологдсон муур шиг нулимс мэлмэрүүлэн суух уу гэдэг асуудал хөндөгдөж байна.
Түүнчлэн өнөөдрийн зудын нөхцөл байдлыг өнгөрсөн арван хоёрдугаар сарын шатахууны асуудалтай холбон тайлбарлаж болно. Малчдын өвс тэжээлээ татдаг цагаар шатахууны хомсдолд орж, араас баярууд залгаснаар малчид үгээ барж, үйлээ эдэлсэн бол  Монголчуудын БНХАУ- руу тээвэрлэж буй газрын тосны сэргэн мандалт анхны ерөнхийлөгчийн дээлийн энгэрт мөнхөрч, бид импортлогч орон байсаар насан эцэслэх бололтой. Товчилбол энэ удаа ОХУ зургаан сараар крантаа  хааснаар Монгол  улс орших уу эс орших уу?