Зүүн өмнөд Азийн Төв банкуудын холбоо (ЗӨАТБХ)-ны 43 дугаар Удирдах зөвлөлийн ээлжит хурал болон ЗӨАТБХ -ны гишүүн Төв банкуудын ерөнхийлөгч нарын 59 дүгээр дээд түвшний хурал 2024 оны хоёрдугаар сарын 15-16-ны өдрүүдэд Энэтхэг Улсын Мумбай хотноо боллоо.
Өнгөрсөн онд дэлхий даяар цар тахлын дараах эдийн засгийн сэргэлтийн эрчимтэй үе тохиож, ЗӨАТБХ-ны гишүүн орнуудын хувьд зээлийн хүүгийн өсөлтийн мөчлөгөөс үүдэлтэй санхүүгийн хямрал, гадаад худалдааны эргэлийн удаашрал, инфляцийн өсөлт, эрчим хүч, хүнсний бүтээгдэхүүний үнийн өсөлт, төрийн бус байгууллагуудын өрийн хэмжээ, улсын төсөв, зээлийн өртөг гэх зэрэг сөрөг үр дагавруудтай нүүр туулсан жил байв.

 Удирдлагын зөвлөлийн хоёр дахь хэлэлцүүлгийг Санта Круз дахь Калифорнийн Их Сургуулийн профессор Кеннет Клетцер удирдан явуулж “Урт хугацаатай зээлийн хүүгийн өсөлтийн үр дагавар” сэдвээр хэлэлцэж дотоодын мөнгөний бодлого, санхүү, төсөв, бодит секторт дамжих эрсдэлээс гадна дэлхийн улс орнуудын хоорондын нэгдсэн  мөнгөний алдагдал илүү чухал болж байгааг хөндсөн байна. Эдгээр болон бусад холбогдох сэдвүүдийг Солонгосын Төв банкны ерөнхийлөгч ноён Чан Ён Рий, Вьетнамын Төрийн банкны Ерөнхийлөгч хатагтай Нуен Ти Хонг болон Малайзын Төв банкны дэд ерөнхийлөгч Марзунишам Омар нар хэлэлцэж санал бодлоо солилцлоо.