Марвелийн супер од Жереми Реннер цас цэвэрлэгч машин жолоодож яваад цээжиндээ хүнд бэртэл авчээ. Улмаар түүнийг эмнэлэгт хүргэсэн бөгөөд яаралтай мэс ажилбарт орсон ч биеийн байдал нь хүнд байгаа юм.  Хэвлэл мэдээллийн байгууллагууд түүнийг цасан шуурганы дараа цас цэвэрлэж яваад бэртсэн хэмээн мэдээлж байгаа билээ.  Бидний хайрт Марвелийн супер од, Хавекегийн дүрийг бүтээсэн Жереми Реннер гэж хэн бэ?

Америкийн нэгдсэн улс Калифорни мужид 1971 оны нэгдүгээр сарын долооны өдөр төрсөн. 1995 оноос жүжигчний карьераа эхлүүлж, дэлхийн 50 гаруй уран бүтээлд гол ба туслах дүр бүтээсэн.

Hurt locker киногоороо анх оскарт өрсөлдөж шаргалт үст, америк хүү Жереми Реннер өөрийгөө дэлхийн түвшний жүжигчин гэдгээ таниулж байлаа. Төд удалгүй  Хулгайчдын хот кинонд туслах дүр бүтээж, улмаар тухайн үеийн хит найруулагчдын овоо хараанд өртсөн юм.

Түүний карьер ингэж л эхэлсэн. Өнөөдөр тэр Марвелийн баатар Хавекегийн дүрийг бүтээдэг. Хавекег түүнээс өөр хэн ч ингэж урлаж шаглаж тоглохгүй.