Сэлэнгэ аймгийн УЦУОША-наас аймгийн мал өвөлжилтийн цаг агаарын нөхцлийн тойм мэдээг ирүүлсэн байна.  
Сэлэнгэ аймгийн нутгаар агаарын температур 1 дүгээр сард аймгийн дунджаар 21.1 градус хүйтэн уур амьсгалын дунджаас 3.3 градусаар дулаан, Орхонтуул, Ерөө сумдын нутгаар дунджийн орчим, бусад сумдын нутгаар дунджаас 3.1-5.4 градусаар дулаан байсан байна.  
Харин 2 дугаар сард аймгийн дунджаар 21.3 градус хүйтэн уур амьсгалын дунджаас 2.3 градусаар хүйтэн, Хушаат, Зүүнбүрэн, Хүдэр сумдын нутгаар  сумдын нутгаар дунджийн орчим, бусад сумдын нутгаар дунджаас 1.9-4.5 градусаар хүйтэн байжээ.  
Сэлэнгэ аймгийн тухайд 1-р сарын хамгийн их хүйтэн өдөр 31-нд тохиосон бөгөөд Ерөө суманд 39.7 градус, Хушаат суманд 38.0 градус хүрчээ.  
Харин 2 дугаар сарын 1, 2, 19, 20, 21-ний өдрүүдэд нийт сумдын нутгаар эрс хүйтэрч 30.0-42.7 градус хүрчээ. 2-р сарын хамгийн их хүйтэн 20-ны өдөр тохиож, Зүүнбүрэн суманд 39.6 градус,  Ерөө суманд 42.7 градус хүрсэн аж.
Хур тунадас 1 дүгээр сард аймгийн  дунджаар 3.5 мм  дунджаас 0.6 мм-ээр ахиу, Сүхбаатар, Орхон, Орхонтуул, Ерөө, Бугант сумдын нутгаар дунджаас 1.1-5.5 мм-ээр ахиу, Баруунбүрэн, Түшиг, Хушаат сумдын нутгаар дунджаас 0.6-2.0 мм-ээр бага, бусад сумдын нутгаар дунджийн орчим цас орсон байна.
2 дугаар сард аймгийн  дунджаар 4.1 мм  дунджаас 1.9 мм-ээр ахиу, Сүхбаатар, Орхонтуул, Ерөө, Баруунбүрэн, Түшиг, Хүдэр, Бугант сумдын нутгаар дунджаас 0.5-7.4мм-ээр ахиу, Цагааннуур, Зүүнбүрэн сумдын нутгаар дунджаас 0.4-1.9 мм-ээр бага, бусад сумдын нутгаар дунджийн орчим  6-18 өдөр  цас оржээ.
Цасан бүрхүүлийн тухайд 1 дүгээр сарын 31-ний байдлаар Түшиг, Бугант, Хүдэр, Сүхбаатар, Зүүнбүрэн, Орхон, Орхонтуул, Хушаат сумдын нутгаар цасны дундаж зузаан 11-28 см,  дундаж нягт 0.16-0.29 гр/см3  бусад сумдын нутгаар 7-12 см, дундаж нягт 0.13-0.23 гр/см3 байсан байна.
2 дугаар сарын 29-ний байдлаар Түшиг, Бугант, Хүдэр, Сүхбаатар, Зүүнбүрэн, Ерөө, Орхонтуул,  Хушаат сумдын нутгаар цасны дундаж зузаан 10-29 см,  дундаж нягт 0.15-0.24 гр/см3  бусад сумдын нутгаар 4-8 см, дундаж нягт 0.19-0.25 гр/см3, хунгарлаж шуурсан газартаа 18-48 см, гуу жалгандаа 31-55 см хүртэл зузаан цастай байлаа.