Ажлын байран дээр бэлгийн дарамт үзүүлсэн 99 хэрэгт холбогдсон хотын дарга хэвлэлийн бага хурал дээр зарим хэргийг үгүйсгэн, уйлсныхаа дараа ажлаасаа огцорлоо. Гифү мужийн хотын даргаар ажиллаж байсан 74 настай Хидео Кожима нь ажлын байран дээрээ доод албан тушаалтай эмэгтэй ажилчдынхаа биед хамаагүй хүрчээ.
Тэрбээр хэвлэлийн бага хурлын үеэр цагдаа, мөрдөн байцаах албаныханд хандаж " Би зарим хэргийг үнэхээр үйлдээгүй. Ажилчдынхаа дургүйцлийг хүргэсэндээ уучлалт хүсье. Миний дохио зангаа санаатайгаар тэвэрсэн гэж харагдаж болох ч үнэн хэрэгтээ зүгээр дотно байхыг хүссэн. Хэвлэл мэдээлэл мөн хэт их гуйвуулж байгаа. Би гэр бүлээсээ маш их зэмлэлийг хүртэж байна" гэж хэлжээ.
Хохирогчдын мэдэгдсэнээр хотын дарга асан цэвэрхэн гартай охидуудад дуртай ба өмдний түрийгээ шуун, тэднийг шилбэндээ хүргэх гэж оролддог. Мөн цээж, өгзөг хэсэгт санамсаргүй мэт санаатайгаар хүрдэг бөгөөд зарим ажилчид Кожимагаас болж хувцас руугаа ариутгагч бодис цацдаг гэв. Кожима эмэгтэй ажилчдынхаа мөр, нуруу, толгойд зөвшөөрөлгүй хүрсэн шалтгаанаа "талархал илэрхийлэх журмаар хүрсэн" гэжээ.
Мөрдөн байцаалтын явцад тус хороо Кожимагийн харьяанд ажилдаг  193 ажилчны дунд судалгаа явуулсан. Оролцсон 161 хүнээс эрэгтэйчүүдийн 53 орчим хувь нь, эмэгтэйчүүдийн 58 хувь нь хотын дарга тэднийг эвгүй байдалд оруулсан, муухай мэдрэмж төрүүлэхүйц зүйл хийсэн гэж хариулжээ.
Эх сурвалж: NIKKEI TIMES