Өмнөговь аймгийн нийт сумдаар цас их хэмжээгээр унаж, өвөлжилт хүндэрсэнтэй холбоотойгоор "Энержи Ресурс" компаниас санаачилсан говийн зүүн бүсийн малчдад туслах хандивын аянд Ухаа худаг уурхайн гэрээт, туслан гүйцэтгэгч 17 компани, нийт ажиллагсад нь халуун сэтгэлээр нэгджээ.

Аяны хүрээнд нийт 132.5 сая төгрөг, 1,000 боодол өвс, 50 уут тэжээл цугласан бөгөөд хандивт цугласан мөнгөөр 45 тонн тэжээл, 3,500 боодол өвс нэмэлтээр авч малчдад хүргүүлж эхэлжээ. Түүнчлэн хуучин дугуй, машины бүтээлэг зэргээр нэмнээ, гэр, хашаа хорооны дулаалга зэргийг хийхэд сумын оёдлын цехүүдтэй хамтран ажиллаж, орон нутагт цас түрэх, зам гаргах ажилд ковш, техник, хүн хүчээр тусалж байгаа аж.