Авлигатай тэмцэх газрын дарга, эмчлүүлэхээр хил давсан Ерөнхийлөгч асан Х.Баттулгыг өмөөрч” Хил давж зугтсан гэж та нар яаж мэдэж байгаа юм” хэмээн хэгжүүрхэж суусан. Х.Баттулгыг тус газраас нүүрсний 17 хулгайчийн нэгээр зарлан яллагдагчаар татаад, улстөрчид акул нь хэмээн мэдэгдээд байхад л ийн өмөлзөж суусан даа, З.Дашдаваа дарга.

Гэтэл Х.Баттулга БНСУ-д эмчлүүлэхээр, төлөвлөгөөт хагалгаанд орно гээд явсан ч төрийн хамгаалалтаа Солонгост үлдээгээд өөрөө Сингапурт баруун, зүүн гаруудаа дуудан “хор найруулах”-аар ниссэн мэдээлэл түглээ.

АТГ нь жирийн иргэнд хатуурхан тэр дор нь цагдан хорьж шалгадаг мөртлөө Х.Баттулгад ийн давуу эрх олгож, оргон зайлах боломжийг өгч, нөгөө нь сурсан зангаа тавилгүй хилийн чинадад дараагийн алхмаа төлөвлөж сууна.

Х.Баттулгын хувьд хилийн чинадад улс орныг самрах, нийгмийг үймүүлэх хороо найруулж, дэглэчихээд гар хөлийнх нь нөхөд түүнийг нь Монголд зохион байгуулах нь.

Харин эрхэм Ерөнхийлөгч асан “Би хамааралгүй. Гадаадад эмчлүүлж байсан” хэмээн нэр, гар цэвэр үлдэх нь бололтой.