БНХАУ-д ковидын халдвараар эмнэлэгт хэвтэн эмчлүүлж байгаа ирггэдийн тоо, анх цар тахал эхэлснээс хойшхи тус улсад бүртгэгдсэн хамгийн өндөр тоо боллоо гэж ДЭМБ мэдээллээ. Тодруулбал, “ДЭМБ тус улсад халдвараар эмнэлэгт хэвтэгсдийн тоо өнгөрсөн долоо хоногт 63,307 давж, нас баралт 60,000 хүрсэн нь өмнөх долоо хоногтой харьцуулахад 70 хувиар өссөн” тухай мэдээлжээ. Энэ нь Хятадын Ухань хотод 3 жилийн өмнө коронавирусын халдвар анх бүртгэгдсэнээс хойш тус улсд бүртгэгдсэн хамгийн өндөр тоо юм. Мөн ДЭМБ болоод бусад олон улсын эрүүл мэндийн байгууллагууд Бээжин халдвар авсан болон нас барсан иргэдийнхээ тоог нуун дарж байгааг буруутгаад, илүү нарийн тодорхой үнэн мэдээлэл өгөхийг шаардаж байгаа юм. 
Өнгөрсөн арваннэгдүгээр сард Хятад улс хатуу хөл хориогоо ирргэдийнхээ хүсэлт, шаардлагаар сулруулж, хилээ нээн, хөл хориог цуцалсан. Тэгвэл энэ хөл хориог цуцалснаас үүдэж, сар шинийн баяраа угтан хотоос хөдөө орон нутаг руу зорчих хөдөлгөөн нэмэгдэнэ. Орон даяар дахин халдвар гаарч, хүндрэх нөхцөл ихэснэ гэж болгоомжилж байгаа юм.