Оросын төрийн дэмжлэгтэй хакерууд "Microsoft” компанийн цахим шуудангийн хаяг, үндсэн програм хангамжийн системд нэвтэрсэн гэж тус компани мэдэгджээ. "Microsoft” -ын аюулгүй байдлын алба өнгөрсөн нэгдүгээр сард халдлагыг илрүүлж, төрийн дэмжлэгтэй “Midnight Blizzard” гэх бүлгэм халдлага үйлдсэн болохыг мэдсэн.Компани тухайн бүлгэмийн хулгайлсан  мэдээлэл болон програмд нэвтрэх эрх зэргийг ашиглах гэж завдсан баримт олсон ба хэрэглэгч "Microsoft” хоорондын цахим илгээмж зэрэгт нэвтэрсэн байжээ. Зөрчлийн улмаас хэрэглэгчийн системд доголдол үүсээгүй. Гэхдээ "Midnight Blizzard” олсон мэдээллүүдээ ашиглаж магадгүй гэж үзэж байна.
Цахим халдлагийн хэмжээ хоёрдугаар сард өмнөх саруудаас 10 дахин нэмэгдсэн ба хэрэглэгчид олон цахим хаягт нэг ижил нууц үг ашиглах аюултай болсон талаар "Microsoft" анхааруулав. Хэрэглэгч, компанийн нууц мэдээллийг сайтар хамгаалахын тулд "Microsoft" аюулгүй байдлыг хадгалах нэмэлт шинэчлэл хийхээр төлөвлөж байна.
Эх сурвалж: abc news