Ой тогтоолтын Дэлхийн аварга шалгаруулах 31 дэх тэмцээнд Т.Тэнүүн оролцон 400 тамирчнаас манлайлж, алтан медаль хүртжээ. Тэрээр “Хурдны тоо” төрөлд таван минутад 624 цифр цээжилж алдаагүй санан дэлхийн рекордын эзэн болж Гиннесийн номд бичигдэхээр болжээ. Энэ төрлийн дэлхийн рекордыг өмнө нь БНХАУ-ын 616 цифрээр эзэмшиж байсныг Т.Тэнүүн ийнхүү гурван жилийн дараа шинэчилсэн байна. Энэ удаагийн ой тогтоолтын ДАШТ-д Монголын баг 20 алт, 19 хүрэл медаль хүртэж 19.018 оноогоор МУ-ын шигшээ баг ийнхүү үнэмлэхүй ялалт байгууллаа. Өмнө нь 31 жилийн хугацаанд таван минутад 600 цифрээс дээш цээжилсэн ердөө гурван тамирчин байжээ.  Энэ удаагийн тэмцээнд 400 гаруй тамирчин ой тогтоолтын спортын 10 төрлөөр өрсөлдсөнөөс нийлбэр дүнгээр бага насны ангилалд 4813 оноогоор Э. Үүрийнцолмон, өсвөр насны ангилалд 5512 оноогоор Ц. Оюун-эрдэнэ, насанд хүрэгчдийн ангилалд 7904 оноогоор ОУ-ын Их мастер Т. Тэнүүн нар тэргүүлж нас ангилалдаа дэлхийн аварга болсон байна.