Өмнөд Солонгосын кино одуудын нэг И Сүн Кюнийг заналхийлсэн гэх хэрэгт буруутгагдаж буй хоёр эмэгтэйг шүүх хурал өнөөдөр товлогджээ. Тодруулбал, түүнтэй нэр холбогдож, утасны бичлэг нь задарсан гэх эмэгтэй Ким Нам Хид хар тамхи хэрэглэсэн, хүн сүрдүүлж залилж мөнгө авсан гэх хоёр зүйл ангиар, харин жүжигчин И Сүн Кюнийг заналхийлсэн гэх Паг Су Жонд хүн сүрдүүлж залилж мөнгө авсан, хүнээр хүн сүрдүүлж мөнгө авах гэж оролдсон, утасны сүлжээ бичлэг задалж харилцаа холбооны хууль зөрчсөн, үнэмлэхгүй автомашин жолоодсон гэх хэрэгт буруутгаж яллах дүгнэлт үйлдээд байгаа аж.
Сануулахад, жүжигчин И Сүн Кюн өнгөрсөн оны арванхоёрдугаар сарын 27-ны өдөр автомашиндаа нүүрс шатааж, амиа хорлосон байдаг.