Замын хөдөлгөөний удирдлагын төвөөс өнгөрсөн долоо хоногт нэгдүгээр эгнээгээр зорчсон зөрчил 12,526 бүртгэгдсэн талаар мэдээлэл ирүүллээ. Нэгдүгээр эгнээгээр зорчсон тохиолдолд, Зөрчлийн хуулийн дагуу 20.000 төгрөгөөр торгодог юм. Офицеруудын ордноос Таван шарын уулзвар хүртэл авто замын нэгдүгээр эгнээгээр нийтийн тээврийн хэрэгсэл, тусгай дуут болон гэрлэн дохио бүхий шуурхай албаны автомашин, зөвшөөрөлтэй суудлын такси болон “Хүүхэд тээвэрлэж яваа тээврийн хэрэгсэл”, “Тулгуур эрхтний бэрхшээлтэй хүн” таних тэмдэг бүхий тээврийн хэрэгсэл зорчих ёстой. Зөвхөн өнгөрсөн долоо хоногт хурд хэтрүүлсэн зөрчил 949, үзлэг оношилгоонд ороогүй, тэнцээгүй зөрчил 637, согтуугаар тээврийн хэрэгсэл жолоодсон 279, гэрэл дохио зөрчсөн 160 байгаа бол түр болон удаан зогссон 1253 зөрчил бүртгэгджээ.