Хөгжлийн банкнаас 23 сая ам.доллар, 13 сая 47 мянган еврогийн зээл авсан “Эрэл”-ийн Б.Эрдэнэбатын хилийн хоригийг “түр цуцалсан” хугацаанд тэрээр бүх хөрөнгөө банкны барьцаанд тавьж орхиод Сингапур руу явсан байсан юм. Түүнийг оргон зайлсан хэмээн хардаж байсан ч өнгөрсөн долоо хоногт төрийн ордонд болсон Хөгжлийн банкны зээлтэй холбоотой сонсголд оролцсон юм. Хөгжлийн банкны чанаргүй зээлдэгч болоод байгаа “Эрэл” ХХК-д холбогдох хэргийг шүүх хурал Б. Эрдэнэбатыг “Эх орондоо байхгүй” гэх шалтгаанаар удаа дараа хойшуулаад байсан. Тэгвэл одоо түүнд ийнхүү хилийн хориг тавьснаар дээрх хэрэг эцэслэгдэх бололтой хэмээн хэвлэлүүд мэдээлж байгаа юм.