Өчигдөр буюу гуравдугаар сарын 15-ны өдөр Дорнод аймгийн Халхгол сумаас Чойбалсан хотын чиглэлд зорчиж явсан эмэгтэйг бие засахаар буусан хооронд жолооч нь орхиж явсан хэрэг гарч, улмаар тус эмэгтэйг эрэн хайх ажиллагаа эхлүүлээд байсан.

Улмаар эрэн хайх ажиллагаанд 25 автомашин, 100 гаруй хүн оролцож дөнгөж сая олж тогтоосон байна. Тодруулбал, 40 гаруй насны эмэгтэйг аймгийн төвөөс 80 км-т эвдэрсэн байсан өвсний машинаас 0132 дугаар ангийн хилчид олсон байна. Яг одоогоор хилийн застав руугаа авч явж байна гэж Зүүн бүсийн төв Онцгой байдлын газраас мэдээллээ. 

Өнгөрсөн шөнө Дорнод аймгийн нийт нутгаар цасан шуургатай байсан ба тухайн эмэгтэйн эрүүл мэнд хэвийн. Эрэн хайх ажиллагааг зогсоож байгааг ЦЕГ-аас мэдээллээ.