Сонгууль дөхөж Засгийн газар гурван жил татганаж хадгалсан хэдэн цаасаа гамгүй цацаж эхэллээ. Тодруулбал 2024 оны дөрөвдүгээр сарын 1-ээс эхлэн Нийгмийн даатгалын сангаас олгож байгаа Цэргийн албан хаагчийн тэтгэврийн хэмжээг 100 мянган төгрөгөөр нэмэгдүүлэхээр шийдвэрлэжээ. Нийт 499.2 мянган тэтгэвэр авагч хамрагдана. Энэ нэмэгдэлд 449.3 тэрбум төгрөг зарцуулж байна. 

Энэ мөнгийг нэмье, өгье гэдэг зарчмаар Засгийн газар халааснаасаа аваад өглөө. Түүнчлэн тэтгэвэр авах эрх үүсээгүй, хөгжлийн бэрхшээлтэй иргэн, хагас болон бүтэн өнчин 65,6 мянган иргэн халамжийн тэтгэвэр авдаг. Мөн 16 хүртэлх насны байнгын асаргаа шаардлагатай хөгжлийн бэрхшээлтэй хүүхэд амьжиргааг дэмжих мөнгөн тэтгэмж авдаг. Нийт 12,8 мянган иргэнд тэтгэмж олгодог бөгөөд 2020 онд мөнгөн тэтгэмж 188 мянган төгрөг байсныг 100 мянган төгрөгөөр нэмэгдүүлж байсан . Тэгвэл 2023 онд 12.8 хувиар нэмэгдүүлсэн. Ирэх дөрөвдүгээр сарын 1-ээс 50 мянган төгрөгөөр нэмэгдүүлснээр 375 мянган төгрөг болж байна.

Тэтгэвэр тэтгэмж, халамжаа нэмсэн бол малчдад 5-8 сая төгрөгний малжуулах зээл олгоно. Өөрөөр хэлбэл Монгол улсын Засгийн газар 2024 оны сонгуулиас өмнө нэг их наядын зарлага гаргана гэсэн үг. Тэгэхээр сонгуулийн өмнө нэг их наядаар иргэддээ хүрч ажилласан гэх нэрийг зүүнэ. Энэ бол эрх баригч намын сонгуулийн НЭГ ТОМ имидж болж таарах нь. 

Мартах шахав. Сонгуулийн өмнө мэдээж Эрдэнэс Таван толгойн 1072 хувьцааны буюу 256 мянган төгрөг иргэн бүрт хуваарилна. Ингэхээр Л.Оюун-Эрдэний Засгийн газар сонгууль угтан 2 их наядаар “ШОУ” хийх тооцоо гарч байна. 

Ийм өндөр мөнгөн дүнгээр халамжилж байхад