Шатахууны нөөцийн сав дутмаг учраас асуудал үүсвэл нөхцөл байдал хүнд тусах талаар мэдээлэл гараад буй. Тэгвэл салбарын сайдаас тодруулахад “дизелийн үнэ буурч байна. Нийт хэрэглээний 85 хувийг уул уурхайд ашиглаж байгаа. Энэ өөрөө маш сайн дохио.” гэж ярьж байна. Харин нөөцийн савны тухайд хүрэлцээгүй байгаа нь үнэн гэв. Ж.Ганбаатар хэлэхдээ “Нөөц байгаа ч сав хүрэлцэхгүй тул бид 10-20 хоногийн дотор хямарна” хэмээн өчөөд “Надад бүгдийг шийдэх эрх дарх байхгүй” гэх утга бүхий хариулт өгөв.  Тэгвэл “нөөцийн сав”-ыг салбарын сайдаас өөр хэн мэдэх вэ? Монголд байгаа бүх нөөцийн сав аж ахуй нэгжийнх гэхээр бидэнд багадаа 40-50 сав шаардлагатай байгааг Ж.Ганбаатар онцолсон. Нөөцийн савны асуудлыг салбарын сайд ярьж байгаа ч түүний хэлснээр шийдэх эрх дарх хэнд байгаа вэ? Эсвэл бид энэ удаа  Оросуудын крантаа хаахаас айх биш өөрсдөө нөөцийн савгүйдэж шатахууны эрсдэлд орохоос айх ёстой юу? 

“Нөөцтэй”  л гэдэг. Нөөцгүй болчихоод байхад нөөцтэй гэж хариулахыг нь харсан. Энэ удаа сав хомс, нөөц арвин л гэнэ.  Дуусдаггүй эрсдэлтэй салбарын сайдын улиг болсон хариултад тайвшрах арга алга. Бид үйлдвэрлэгч орон биш. Биш учраас бусдын гарыг харсаар, цаг хугацаа улирсаар. Үйлдвэрлэл мөрөөдөл болж, шатахуундаа оочир үүсгэх цаг ирж яваа бололтой.