"Mongolian Youtuber Sanchir" хэмээх нэрээр видео контент бүтээгч Э.Санчирдамба нь өнгөрсөн хоёрдугаар сарын 24 /2024.02.24/-ний өдөр "Үл таних этгээдүүдэд зодуулсан" хэмээн өөрийн цахим хуудсаараа дамжуулан мэдээлж, улмаар түүнийг нас барсан гэх мэдээлэл хүртэл гарсан байдаг.  Тодруулбал,  тэрбээр өөрийн цахим сүлжээгээр бусдад зодуулсан хэмээж байсан үйлдлээ "Өөрийнх нь хувийн асуудал учир хуулийн байгууллагаар шалгуулах шаардлагагүй" хэмээсэн байна. Тиймээс цагдаагийн байгууллагаас уг асуудалд зөрчлийн хэрэг нээн шалгахаас татгалзах саналыг прокурорт хүргүүлээд байгаа аж. Товчхондоо,  Э.Санчирдамба өөрт нь атаархсан хүмүүс биед нь халдаж, зодсон гэх мэдээллээ шалгуулахаас татгалзсан гэсэн үг. Магадгүй тэрбээр тухайн үед бичлэгийг хийж, олны анхааралд өртөж, хандалт авах зорилго агуулсан учир шалгуулахаас татгалзсан байхыг үгүйсгэхгүй гэж эх сурвалжууд ярьж буй. 

Үнэхээр олны танил залуус энэ мэтийн хандалт авах гэсэн башир арга хэрэглэж, олон нийтэд буруу үлгэр дуурайлал үзүүлэх тохиолдолд сүүлийн жилүүдэд гаарч байгаа. Түүнчлэн олон нийтийн сүлжээг буруугаар ашиглаж, бусдын нэр төрд халдах, бусдыг садар самуунд уриалах, бусдын сэтгэл санааг үймүүлэх зэргээр олны анхааралд өртөх гэсэн оролдлогууд олонтаа бүртгэгддэг ажээ