Ирэх дөрөвдүгээр сарын 7-нд тулаант, хөгжөөнт киноны амьд домог Жеки Чан 70 насныхаа ойг тэмдэглэнэ. Саяхан түүний оролцсон нэгэн бага хурлын үеэр цугларсан олон түүнийг сонсохоос илүүтэй, гадаад төрхийг нь харж байв. Дэлхийд нэр нь цуурайтсан хүмүүсийг фенүүд нь хөгширдөггүй мэтээр ойлгодог. Гэтэл 69 настай жүжигчний сүүлийн зурагнууд фенүүдийг нь ихэд цочроож байна гэнэ. "Жеки, яана даа? Чи хөгшрөөд байдаг", "Цаг хугацаа хэнийг ч өршөөхгүй юм даа. Гэхдээ л чи  сайхан чигээр" хэмээн нэг хэсэг нь сүлжээгээр бичиж, нөгөө хэсэг нь "саяхан Чак Норрис 84 хүрлээ. Цаг хугацаа чи ямар хурдтай гүйнэ вэ?" хэмээн шагширчээ. 

Алдартай жүжигчин 2024 онд хоёр ч киногоо нээхээр төлөвлөжээ. Хэвлэлийн бага хурлынхаа үеэр  "Энэ хэдэн арван жилд хичнээн ч гэмтэл авснаа тоолоод баршгүй. Намайг бүх ясаа хугалсан гэдэг. Мэдээж, тэр нь үнэн биш"  хэмээн жүжигчин шоглоом болгон ярьжээ. 69 насандаа ч өөрийн кинондоо орлон тоглогчгүй бүхий л тулааны хэсгээ өөрөө хийхээ орхиогүй гайхалтай жүжигчинтэй ямар ч даатгалын компаниуд гэрээ байгуулдаггүй аж.