Өнөөдөр МАН бага хурлаа хийж сонгуулийн мөрийн хөтөлбөр, сонгуульд нэр дэвшүүлэх журам зэрэг асуудлыг хэлэлцэж буй. Энэ үеэр УИХ-ын гишүүн асан Д.Тэрбишдагва байр сууриа илэрхийллээ.

Тэрбээр “Улс төрийн намуудын нэр хүнд унасан байна. Энэ үед сонгуулийн мөрийн хөтөлбөрийг бодитой гаргах нь чухал, лоозон байж болохгүй. Нэр дэвшүүлэх журмаа өнөөдөр ярилцана. Би 2020 онд залуучуудыг нэр дэвшүүлж ажиллуулах ёстой гэдэг байр суурьтай байсан. Цаашдаа ч гэсэн залуучуудыг олноор оруулж ирэхээс гадна ахмад, дунд үеийн төлөөлөл байх ёстой. Намын залуу үедээ бидний үеийнхэн итгэл өгсөн. Гэтэл маш их итгэж явсан залуус маань хэрэг төвөгт орооцолдож байна. Улс төр, бизнес холилдоод ирэхээр нам дамжсан бүлэглэл чинь бирд болчихлоо. Ярихаас илүүтэй хийж, хэрэгжүүлэхгүй бол Монгол Улсын ирээдүй гадаадад хөрөнгөө гаргасан, улсаасаа баян болсон шуналтнуудаас шалтгаалаад байна. Миний хувьд 2020 онд улс төрөөс зодог тайлсан. Одоо дэлхийн олон оронд Монгол Улсын өв соёл, түүхийн талаар лекц тавиад явж байна” гэв.