Монгол Улс жилд баталсан хууль тогтоомжоороо бол аль хэдийнэ бар улс болох байлаа. Хөгждөг бол хэдийнэ хөгжлөөрөө тэргүүлэх байв. Тоон баримтаар тоймлоход, Монгол Улсын Их хурлын 2022 оны намрын ээлжит чуулган  ажлын 78 өдөр хуралдаж, хаалтаа хийлээ. 

УИХ-ын чуулганы хуралдаанд: 

-Нэгдсэн чуулган 32 удаа хуралдаж, 

-180 асуудал хэлэлцэн шийдвэрлэж, 

-Бие даасан 18 хууль, 

-Нэмэлт өөрчлөлт оруулах тухай 271 хууль 

-УИХ-ын 38 дугаар тогтоолыг тус тус баталжээ.  

Мөн Байнгын хороо 108 удаа хуралджээ. Цаашлаад  дэд болон түр хороо найман удаа, хянан шалгах түр хороо есөн удаа хуралдаж, 256 асуудал хэлэлцсэн байна.   

Жилийн жилд дээрх тоо хэлбэлздэг ч ерөнхийдөө төстэй. Харин тооны цаана чанар бий эсэхэд иргэд эргэлздэг. УИХ-ын гишүүд зарим хуульд ихээхэн ач холбогдол өгдөг ч заримыг нь нүдээ анин, гэрлийн хурдаар батлах нь ч бий. Эрх ашиг нь нэгддэг хууль байхад хэдэн тийш хараад суучихдаг нь ч бий. Энэ мэтээр улстөрчид хууль “үйлдвэрлэдэг” ч бодит амьдралд нийцсэн хуулийг баталсан эсэхэд дүгнэлт өгөх, шинжих мэргэжилтнүүд ховор байгаа нь дутагдалтай  тал юм.