Газрын тосны үнийн өсөлт үргэлжилж, 2023 оны аравдугаар сараас хойш анх удаа баррель нь 90 ам.доллар давлаа. Ойрхи Дорнод болон Украины дайны нөхцөл байдал үргэлжилсээр байгаа нь газрын тосны үнийн өсөлтөд голлон нөлөөлж байна. Үүнээс гадна OPEC-ийн Өргөтгөсөн бүлэг гарцаа танах шийдвэр гаргаснаар энэ он гарсаар газрын тосны үнэ 18 хувиар өсөөд байгаа юм. Брент төрлийн газрын тосны үнэ энэ онд баррель нь 100 ам.доллар хүрэх боломжтой гэж “JPMorgan Chase” банк тооцоолж байгаагаа мэдээлж байв. Харин “Anz Banking Group” газрын тосны үнийн өсөлтийн төсөөллөө 95 ам.доллар болгон ахиулсан байна.