Монголын төрд Д.Баясгалангаас илүү чухал бизнестэй хүн байдаггүй гэж нэг хэлц бий. Үнэхээр л “Голомтын” хэмээх Д.Баясгалангийн хамаарал бүхий компаниуд төрийн олон арван тендерүүдийг залгидаг булиа хар мангас болчихоод байгаа нь нууц биш. Түүний Бодь Интернейшнлийн тендерүүд Ч.Сайханбилэг, У.Хүрэлсүх тэгээд одоогийн Ерөнхий сайд Л.Оюун-Эрдэний Засгийн газарт ч нэлээдгүй жин дарж байна. 

Саяхан л нүүрсний хулгайчаар цоллож байсан Л.Оюун-Эрдэнэ, Х.Нямбаатар өнөөдөр түүнтэй хөтлөлцөөд том том мөрөөдлийн төслүүдээ ээлж дараагүй танилцуулж байна. Тухайлбал Метро барих зөвлөгөө өгөх компаниар Д.Баясгалангийн Бодь интернейшнл тохироогоо бүрдүүлээд байгаа талаар бид мэдээлж байв. Түүнчлэн Д.Баясгалангийн барьж буй мөнх настай Бөөрөлжүүтийн станцтай тохиролцож, метроны цахилгааны эх үүсвэрээ хангахаар болсон. Мөн Бөөрөлжүүтийн цахилгаан станцад нэмж 300 тэрбумын зээл олгох журмаар бонд босгох ажлыг эхлүүлж байна. Өөрөөр хэлбэл энэ бүх тохиролцооноос харахад Д.Баясгалангийн халаасанд Л.Оюун-Эрдэний Засгийн газар багтаж байгаа зураглал харагдаж байна. 

Д.Баясгалантай хөтлөлцөнө гэдэг Ерөнхийлөгч асан Х.Баттулгатай улс төрийн тохироо бүрдүүлснээ зарлаж буй явдал юм.