Хотын дарга Х.Нямбаатар Төв цэнгэлдэх хүрээлэнг улсын баяр наадмаар хэрхэн шинэчилж, ямар ямар ажлууд хийхээр төлөвлөж буй талаар мэдээлэл өглөө.
Тэрбээр "Төв цэнгэлдэх хүрээлэн 1959 онд ашиглалтад орсон. 60 гаруй жил үйл ажиллагаа явуулж байгаа. Энэ жилийн улсын баяр наадмыг илүү өндөр түвшинд зохион байгуулахаар төлөвлөж байна. Энэ хүрээнд төв цэнгэлдэхийн үндсэн хаалгaнууд дээр нийтийн бие засах газрыг шинээр төлөвлөж, барьж зохион байгуулна. Бүх секторуудыг сүүдрэвчтэй болгоно. Ширээ сандлуудыг цэгцэлнэ. Зарим төрийн өндөр дээд албан тушаалтнуудын суудаг хэсгүүдийг дуудлага худалдаагаар худалдан борлуулна. Орлогоосоо хүүхдийн төлөө фондод хандивлах зэргээр нийгмийн сайн сайханд зориулна гэж төлөвлөж буй.

Хоёрдугаарт, бүхэлд нь ногоон байгууламжаар шинэчилнэ. Гадна байгаа ТҮЦ, хүнсний мухлагуудыг чөлөөлнө. Дөрвөн талд нь хуушуурын үйлчилгээ үзүүлэх цэгүүдийг төлөвлөе. Мөн ус эрчим хүчний асуудлыг нь давхар шийдэхээр ярилцаж байна. Хосгүй үнэт бүтээлийн уран зургийг галерейг дэлгэнэ. Мөн төв цэнгэлдэхийн гурван талд гурван бага тайз ажиллуулна. Энд мэргэжлийн урлагийн байгууллагууд тодорхой цаг цагаар наадамчин олондоо тоглолт үзүүлдэг байхаар шийднэ" гэлээ.