Улсын арслан М.Бадарчид холбогдох арбитрын шүүх хурал 2024 оны дөрөвдүгээр сарын 30-ны өдөр болов. Уг шүүх хурлын үеэр улсын арслан М.Бадарч “Надад тавын даваагаа 800 саяар наймаалцчих гэдэг санал ирсэн. Би дотроо тэр хүмүүсийг энэ асуудалтай холбоотой гэж хардаж байгаа. Хүний нэрийг тодорхой дурдмааргүй байна” гэж мэдээлсэн. Харин М.Бадарчийн бие төлөөлөгч болох С.Шижирбат мэдээлэхдээ “М.Бадарчийн хэлсэн үгийг ойлгож ядаад байх юу байна. М.Бадарч хүн гүтгээд худлаа хэлсэн бол хуулийн хариуцлага хүлээнэ. Тэгвэл тавын даваанд М.Бадарчид унасан Б.Баянмөнх “Намайг гүтгэлээ” гээд цагдаад өг л дөө. 800 саяыг амласан нь үнэн, гэрчтэй юм билээ” гэж мэдээлсэн.
Аймгийн хурц арслан Б.Баянмөнх гэж хэн бэ
Аймгийн хурц арслан Б.Баянмөнх Ховд аймгийн Мөнххайрхан сумын харьяат. 1988 оны гуравдугаар сарын 22 нд төрсөн. 2014 онд Баян-Өлгий аймгийн баяр наадамд аймгийн начин Н.Мустафагаар найм даван түрүүлж аймгийн арслан цол хүртсэн. Мөн 2019 онд Ховд аймгийн баяр наадамд сумын заан Ц.Төмөрцоожоор найм даван түрүүлж "Хурц" чимэг нэмсэн. Тэрбээр улсын баяр наадамд найм зодоглож, начин цолны босго давж амжаагүй яваа шилдэг арслангуудын нэг.