Дэлхий дахинд тохиосон цар тахлаас хойш нийгэм бүхэлдээ өөрчлөгдсөн. Нас, хүйс, боловсролын түвшин үл харгалзан бүх хүний амьдралд нөлөөлсөн энэ үйл явдал Монгол улсад аль нам засаглаж, ямар тогтолцоо үйлчилж байхаас үл хамааран хүнсний хэрэглээгээ дотоодоосоо хангаж чаддаг байх ёстой гэдгийг ойлгуулсан. Гэвч хүнс үйлдвэрлэлийн салбарт мэргэжлийн боловсон хүчин хомс хэвээр байна. Тухайлбал хүнсний үйлдвэрлэлийн тоног төхөөрөмжийн инженер, механикийн мэргэжилтэн бэлтгэдэг улсын сургуулиудын ангийг жилдээ гурваас таван оюутан төгсдөг. 

Түүнчлэн ард иргэдийн шууд хэрэглэх хүнс үйлдвэрлэх нь маш хариуцлагатай ажил билээ. Өөрөөр хэлбэл дэлхийд хүлээн зөвшөөрөгдсөн тоног төхөөрөмжийг судлан оруулж ирэх,  Монгол хүний амтлах мэдрэмжид нийцсэн амт, биед хэрэгтэй эрдэс бодис, шим тэжээлтэй жорыг зохиох зэргээр  бүх зүйлийг стандартын дагуу хийх нь маш нарийн ажил болохыг мэргэжилтнүүд зөвлөдөг. Тэгвэл ISO 22000:2015 олон улсын Хүнсний аюулгүй байдлын стандартыг 2018 оноос нэвтрүүлж, аудитийн зөрчилгүй үйлдвэр эрхлэгч цөөн компаниудын нэг нь Витафит милк. Өдгөө тус компани “Итгэл даасан эрүүл хэрэглээг үр хойчдоо өвлүүлнэ” алсын хараан дор нэгдэж, 150 ажлын байр зарлаж байгаа ажээ. 

Ташрамд дурдахад Витафит Милк компани нь  ажилчдадаа тогтвортой ажлын байр, тасралтгүй сурч хөгжих боломж,  үргэлж өсөн нэмэгдэх цалин урамшуулал, шударга үнэлгээний систем, ажлын зөв зохистой хувиарлалт, тав тухтай орчин нөхцөлийг бүрдүүлснээр үндэсний үйлдвэрлэлээ тэргүүлэгч компани юм.