УИХ-ын гишүүн Ж.Баясгалан эмийн чанарын асуудал хөнджээ.

Тодруулбал, тэрбээр байнгын хорооны хуралдаан дээр "Би нугасны гэмтэлтэй тул эмийн маш өндөр хэрэглээтэй, хүнд төрлийн эм уудаг. Гэвч эмийн бүртгэлд ерөөсөө байдаггүй. Тиймээс өвдөөд үхэх, гаднаас эм оруулж ирэх шаардлага гардаг. Нэг явахдаа ахиухан аваад ирэхээр хил гааль дээр дахиад л асуудал үүсдэг. Эмийн чанарт асуудал байгаагийн хамгийн том жишээ бол би. Монголоос эм авч уухаар тунг нь хоёр дахин нэмэх шаардлага гардаг. Тэгж байж л үйлчилдэг. Гадагшаа гарахдаа уусан эм хамаагүй илүү үйлчлэлтэй. Өвчин нь сайн намддаг. Тэр үед л заримдаа Монгол Улсын иргэн болж төрсөндөө харамсах сэтгэл төртөл дарамт үүсдэг. Эмийн чанар үнэхээр муу байгаа. Энэ бол нийт иргэдийн зовлон, дарамт шүү" хэмээн ярьсан байна.

Манай улсад хэрэглэгдэж байгаа эмийн 80 орчим хувь нь импортын эм байна. Эмийг анх бүртгэхэд нь шинжилгээ хийж чанарыг үнэлж байгаа. Таван жилийн дараа сунгахдаа дахин нэг шинжилгээ хийдэг аж. Мөн Гаалийн ерөнхий газрын эмийн байцаагч хил дээр анхаарал татсан эмийг шинжилгээнд өгдөг.