Баянгол дүүргийн 26 дугаар хороо Нарны хорооллын орон сууцанд өчигдөр /2024.10.17/ гал гарч, Онцгой байдлын алба хаагчид ажиллаж байгаа талаар бид өмнө нь мэдээлсэн.

Тэгвэл энэ талаар ОБЕГ-аас “Баянгол дүүргийн 26 дугаар хороонд байрны 7 дугаар давхрын айлын тагтан дээр гал гарч байна гэсэн дуудлагыг аравдугаар сарын 17-ны өдрийн 22:22 цагт хүлээн авсан.

Улмаар Хан-Уул дүүргийн Онцгой байдлын хэлтсийн Гал түймэр унтраах, аврах 14 дүгээр анги, Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчдыг очиход тус байрны 7, 8 дугаар давхарт айлын тагт хэсэг, 9 дүгээр давхрын эзэнгүй айлын тагт хэсэг шатаж байсныг 1 цаг 10 минут ажиллаж унтраасан. 9 дүгээр давхрын эзэнгүй айлыг Баянгол дүүргийн Цагдаагийн 1 дүгээр хэлтэст хүлээлгэн өгсөн” гэж мэдээллээ